Mei Kellnerin
(© by Ko-Do 1998)



I hab no nie a Liad gmacht
Für a Kellnerin
Dabei bin i do scho so oft
Mit ana überbliebn
Es kommt so oft die Sperrstund
Vor'm Ende von mein Durscht
Doch des war meiner Kellnerin
Meistens ziemlich wurscht
Ans is immer no gangen - ans war immer no drin
Ans is immer no gangen - bei meiner Kellnerin

I hab scho so oft Schmäh gführt
Mit der Kellnerin
Und sie ist immer wieder
Ziemlich freundlich bliebn
Auf amoi kommt die Sperrstund
Und sie hat immer no g'lacht
Und i schau zua wie mei Kellnerin
Die Abrechnung macht
Ans is immer no gangen - ans war immer no drin
Ans is immer no gangen - bei meiner Kellnerin

Irgendwann dawischt's an jeden
Ganz ohne Kellnerin
Der letzte Weg is no niemand
Wirklich daspoat bliebn
Der Herrgott sagt " 's is Sperrstund"
Und da hab i mir dacht
War sche wann dann mei Kellnerin
Die Himmelstür aufmacht
Ans is immer no gangen - ans war immer no drin
Ans is immer no gangen - bei meiner Kellnerin