Ma waaß net wie ois angfangt hat
Des finden manche ziemlich schad
Es is hoit so ...
Aus Nicht-Sein und Unendlichkeit
Hat sich Intelligenz befreit vom Nirgendwo ...
Durchs Wötall strömt jetzt Energie,
Materie gibt's und irgendwie beginnt des Lebn
Die Liebe wird zur Lebenskraft
Rundum steht de Natur im Saft
Und atmet Ewigkeit, endlose Ewigkeit

Aus Nix werdn Lebewesen gmacht
Der Tag ensteht und aa de Nacht
Und nix hat gföht
A Schöpfungsplan war's ganze Lebn
Es hat perfekte Menschen gebn auf dera Wöld
De wirklich no bewundert ham
Was die schöpfer si so vurgstöllt ham doch irgendwann
Weul's scheinbar allzu menschlich is
Sans gierig wurn und bees und fies
Pfeifn auf Ewigkeit, endlose Ewigkeit

Die Kraft, die liebt, hat obegschaut
Wie's alles durchananderhaut
Was amoi war
Die reinste Höll' war da des Lebn
Und drum hats dann den Christus gebn und da war klar
Daß aus Liebe alles gmacht wurn is
Und Haß a beese Kraft nur is. Von obn am Kreiz
Da zeigt er dann der ganzen Wöld
Daß ihr ja nur die Liebe föhlt
Zur großen Ewigkeit, endlosen Ewigkeit
Weul Liebe is des Lebn
Und Lebn is Ewigkeit