Aans von an Weaner seine liabsten Hobbies is a guater Wein
Mit Maderl so fein beim Heurigen sein
Aans von an Weaner seine liabsten Hobbies is Fernseher-Schaun
Und als Sport gilt des dann wamma Fuaßball schaun

Und a guater Gspritzter, a resches Vierterl
A Räuscherl in Ehr'n, des hamma gern in Wean
A Runde Baucherl, a Runde Jägermeister
A Schwipserl in Ehr'n lass' ma uns net verwehrn

Aans von an Weaner seine liabsten Hobbies is auf der Insel grülln
Sich mit Bier abfülln, alte Hadern dann brülln
Aans von an Weaner seine zweitliabsten Hobbies san die Türken dabei
Kaa Platz is mehr frei - und dann erst des Geschrei

Aber a guates Kebap, natürlich "mit alles"
Und an Raki nachher, des hamma gern in Wean
A Wasserpfeiferl, a guates Kesh drin
Der Suf(f)i aus Wean lasst si des aa net verwehrn

Aans von an Weaner seine liabsten Hobbies hat mit'n Hudln z'tuan
Ma solltert's net tuan, sonst werdn z'vü Kinder geburn
Aans von an Weaner seine liabsten Hobbies is de guate alte Zeit
Die vü besser war wie heut, drum samma alle jetzt so g'scheit

Aber a guater Gspritzter, a resches Viertel
A Räuscherl in Ehr'n, des hamma gern in Wean
A Runde Baucherl, a Runde Jägermeister
A Schwipserl in Ehr'n lass' ma uns net verwehrn

Aans von an Weaner seine liabsten Hobbies ist die hohe Politik
Vom Kanzler zum Bezirks-König unterliegt jeder der Kritik
Aans von an Weaner seine liabsten Hobbies -  da sagn s' Raunzen dazua
Als Teil vom Weaner Hamur g'heart des genauso dazua

Wia a zu dünner Spritzer, aa z'wenig resches Vierterl
I sag euch's meine Herrn, des wird a Rausch heut werdn
A Runde Baucherl, auf's Klo schnö auf a Raucherl
A Räuscherl in Ehr'n lass' ma uns net verwehrn