I sing des Liad für an Freund, dem geht's grad net guat
Er hat an nix mehr a Freud, ganz egal was er tuat
Er sitzt nur mehr dahaam, schitt si zua, raucht si ei
Und i denk ma, na Bua heast, des kann's do net sei
Jedesmal wann i anruf, da plankt er mi oo
Und i kenn mittlerweuln alle ausreden schoo
Ja, i tät eam gern höfn, doch i kann net vü tuan
Weul i waaß ja er hat sei Freundin verluan

Jede Nacht, hat er gsagt, da traamt er von ihr
Und sie kummt so wie früher eine durch d' Tür
Er braat seine Arm aus, er gfreit si und lacht
Dann greift er ins Leere und dann wird er wach
Er steht auf, geht ins Zimmer und greift zur Gitarr
Und er merkt immer schlimmer, er is jetzt allaa
Sei Herz spült an Blues, den wirst net bald wo hearn
Doch der Schmerz macht Schluß und er kann nur mehr rearn

Weul ka Mann is so hart, wie des Leben sei kaun
Aber wanns aan dawischt, dann muaß ma's wohl glaum
Da hülft dann ka Fluachen, kaa Beten, ka Schrein
Aan Ausweg muaßt suachen oder überbleim
Und dann reißt er si zamm und er macht si klar
Dass der Alk und der Rauch nur a Kruckn war
Und er spült leise weiter und sie führt eam zum Sieg
Über sich und sei Schicksal - sei Freundin Musik